សមត្ថកិច្ចអញ្ជើញអ៊ំស្រី និងជីដូន ទៅបំភ្លឺ ក្រោយចងដៃ-ជើងកុមារីអាយុ ៦ឆ្នាំ លើកមកដាក់ក្រៅរបងផ្ទះ ព្រោះខឹងប្រដៅមិនស្តាប់

(ភ្នំពេញ) ៖ ស្ត្រី ០២ នាក់ ត្រូវជាអ៊ំ និងជីដូន ត្រូវបានសមត្ថកិច្ចអញ្ជើញទៅបំភ្លឺ នៅប៉ុស្តិ៍នគរបាលទួលសង្កែ១ បន្ទាប់ពីបែកធ្លាយវីដេអូ ធ្វើបាបកុមារីម្នាក់ អាយុ ០៦ ឆ្នាំ ដោយចងដៃបត់ស្លាបសេកមកក្រោយ និងចងជើង ហើយលើកមកដាក់ក្រៅរបងផ្ទះ ថែមទាំងទះកំផ្លៀងទៀត បង្កការភ្ញាក់ផ្អើលដល់ប្រជាពលរដ្ឋ រាយការណ៍ប្រាប់សមត្ថកិច្ច ចុះអន្តរាគមន៍ភ្លាមៗ ។

ហេតុការណ៍ភ្ញាក់ផ្អើលនេះដែរ បានកើតឡើងកាលពីវេលាម៉ោង ០៩ ៖ ៣០ នាទីយប់ថ្ងៃ សៅរ៍ ទី១៩ ខែធ្នូ ឆ្នាំ២០២៣ ចំណុចផ្ទះលេខ៦២ ផ្លូវបេតុង ក្រុម៥ ភូមិទួលគោក សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ៕